Lyrics : V.N.‘Saviour like a Shephered’
1 രക്ഷകാ! നിന് ആടുകളില് മുമ്പില് നടക്കേണമേ
ലോകത്തില് ഈ സാധുക്കളിന് ശരണം നീ മാത്രമേ
നല്ല മേച്ചില് തന്നിടേണം ദിനംതോറും യേശുവേ!
2 നിന്റെ ജനത്തിന്മേല് പാപം ഒട്ടും ഭരിക്കരുതേ
സീനായ്മലയുടെ ശാപം ആയതില് പെടരുതേ
കൃപയില് നീ കാത്തുകൊള്ക നീ വീണ്ടെടുത്തവരെ
3 ദൈവഭക്തിയുടെ വേഷം ലോകര് ധരിച്ചിടുന്നു
അതിന് ശക്തിയോ അശേഷം തള്ളിക്കളഞ്ഞിടുന്നു
സത്യത്തില് നീ കാത്തുകൊള്ക ഞങ്ങള് ഞരങ്ങിടുന്നു
4 സത്യത്തിലും ആത്മാവിലും ദൈവത്തിന്നു വന്ദനം
ചെയ്വാന് എല്ലാ നേരത്തിലും ആത്മദാനം തരേണം
യേശുവേ! നീ മദ്ധ്യത്തിങ്കല് എല്ലായ്പ്പോഴും വരേണം-
5 സാത്താന് വെളിച്ചത്തിന് ദൂതന് എന്നപോലെ അടുത്താല്
നിന്നെ അറിയാത്ത മൂഢന് ഞങ്ങള്ക്കെതിര്ത്തു നിന്നാല്
വീഴാതെ നീ കാത്തുകൊള്ക നിന് വിശുദ്ധരുടെ കാല്-
6 അഗ്നിയിലും വെള്ളത്തിലും കൂടി നീ കടത്തുമ്പോള്
ഉടന് നിന് തോളുകളിലും ഞങ്ങളെ ചുമന്നുകൊള്
ഭയം വേണ്ടാ ഞാനാകുന്നു എന്നു കനിവോടു ചൊല്-
7 നോഹയുടെ പ്രാവിനോടു തുല്യരാകും ഞങ്ങള്ക്കു
കൈയെ നീട്ടി പ്രീതിയോടു വാസം താ നിന് അകത്തു
യേശുവേ! നീ ഒളിപ്പിക്ക ഞങ്ങളെ നിന് മാറത്തു-
8 സ്നേഹത്തിന്റെ അഗ്നിജ്വാല ഉള്ളില് ജ്വലിപ്പിക്കുകേ
ആത്മഫലങ്ങളിന് മാല ഭംഗിക്കായ് കെട്ടേണമേ
അന്ത്യത്തോളം കാത്തുകൊള്ക നിന്റെ ആട്ടിന്കൂട്ടത്തെ-
![](images/PDF.gif)
Download pdf