757. യേശുസന്നിധാനം എന്തൊരു
യേശുസന്നിധാനം എന്തൊരു സമാധാനം!
അഴലും മനസ്സിന് അരുളും സുഖദാനം!
1 ലോകത്തിന്നിമ്പത്തെ തേടുവോര്‍ ശോകത്താല്‍ വീണിടുമേ!
ക്രിസ്തുവിന്‍ സന്നിധി ചേര്‍ന്നിടുന്നോര്‍ക്കെന്നുമത്യാനന്ദമേ!-
2 വേദനയേറുന്ന നേരവും സോദരര്‍ മാറുമ്പോഴും
മാറാത്ത സ്നേഹിതനാമേശുവിന്‍ മാറില്‍ ഞാന്‍ ചാരിടുമേ!-
3 വേറില്ലോരാശ്വാസ സ്ഥാനവും വേറില്ലൊരാശ്രയവും
മൃത്യുവിലും സമാധാനമെന്‍റെ ക്രിസ്തുവിന്‍ സന്നിധാനം-
4 കണ്ണുനീര്‍ പൂര്‍ണ്ണമായ് തോര്‍ന്നിടും കര്‍ത്താവു വന്നിടുമ്പോള്‍
പിന്നീടൊരിക്കലും വേര്‍പെടാതെ തന്നില്‍ മറഞ്ഞിടും ഞാന്‍-
Download pdf