Lyrics : V.N.യേശുവേ നിന്തിരു വചനമിപ്പോള് ആശിഷമോടു നല്കിടണമേ
മറിയയെപ്പോല് നിന് തിരുപ്പാദത്തില് ഇരുന്നുകൊണ്ടാശയില് നിന്നെ നോക്കുന്നു-
1 തിരുവെഴുത്തുകളോടു ദിവ്യശക്തിയും അറിയാഞ്ഞാലടിയങ്ങള് പിഴച്ചിടുമേ
കരുണയോടെ നീ ബുദ്ധി തുറന്നു മറപൊരുളായതു തെളിവാക്കുകേ-
2 അനുസരിച്ചിടുന്നൊരു മനസ്സുള്ളോരായ് മനുജന്റേതല്ലിതു പരന് വചനം
എന്നെല്ലാപേരും അനുഭവിപ്പാന് വന്നു നിന്ശക്തിയാലരുളിടുക-
3 നിന്തിരു സത്യത്തെ ഹൃദയമതില് പിന്തിരിയാതെ കൈക്കൊണ്ടിടുവാന്
ഇന്ദ്രിയങ്ങളെല്ലാം ക്രമപ്പെടുത്തി നിന്വിശുദ്ധാത്മാവാല് ഭരിക്കേണമേ
4 വേദത്തിന് കാതലാം നിന്നില് ഞങ്ങള് ഭേദമില്ലാതെ വസിച്ചിടുവാന്
ഖേദമുള്ള എല്ലാ വഴികളെയും ബോധം വരുത്തുക പരിശുദ്ധനേ!-
5 വിണ്ണില് നിന്തിരുമുഖം കാണുംവരെ മണ്ണില് ജീവിക്കും നാളെന്നും ഞങ്ങള്
കണ്ണാടിയാം നിന്റെ സുവിശേഷത്തില് നിന്നെക്കണ്ടാശയില് ആനന്ദിപ്പാന്-
![](images/PDF.gif)
Download pdf