849. യേശുവേ നീ നിന്‍ പാവന ചോര
രീതി: കാണുക നീയിക്കാരുണ്യവാനേ
1 യേശുവേ നീ നിന്‍ പാവന ചോര ചൊരിഞ്ഞെന്നെ വാങ്ങിയതാല്‍
ഇന്നുമെന്നും നിന്നടിമ ദാസനായ് പാര്‍ത്തിടും ഞാന്‍
വല്ലഭന്‍ നീയേ നല്ലവന്‍ നീയേ വന്ദിതനെന്‍ പ്രിയനും
എല്ലാമായ് നീയുള്ളതാലെന്‍ അല്ലല്‍ മറന്നിടും ഞാന്‍
2 ഖേദമെഴും ഭൂവാസമിതേകും വേദന വേളകളില്‍
നീയൊഴികെയാരുമില്ലെനിക്കാശ്രയമായ് പാരില്‍-
3 വാനവും ഭൂമിയും മാറിലും നീയോ മാറാതുണ്ടെനിക്കായ്
മരുഭൂ നല്‍കും മാറയിലും നീ മാധുര്യ മല്‍ സഖിയാം-
4 ചാവിനെ വെന്നു വിണ്ണിലെനിക്കായ് ജീവിക്കും നാഥനും നീ
വീണ്ടും വന്നെന്നെ ചേര്‍പ്പവനും നീ വിമല മനോഹരന്‍ നീ-
5 ആദിയും നീയേ അന്തവും നീയേ അല്‍ഫ ഒമേഗയും നീ
അവനിയില്‍ വന്നു ആയിരമാണ്ടുകള്‍ വാണിടും രാജനും നീ-
Download pdf