1211. യേശുവേയെന്‍ പ്രാണനാഥാ നിന്തിരു
രീതി: നിദ്രയില്‍ ഞാനായനേരം
1 യേശുവേയെന്‍ പ്രാണനാഥാ നിന്തിരുകൃപകളേകി
ഈ മരുവിടത്തിലെന്നെ കാത്തുകൊള്‍കെന്‍ പ്രിയനേ
2 രോഗം വരും വേളകളില്‍ സ്നേഹനാഥന്‍ തൃക്കരത്താല്‍
താങ്ങിത്തലോടുന്നു മമ ഖേദം ശമിച്ചിടുന്നു-
3 ജീവനാഥനേശുവെന്നെ കാത്തുപരിപാലിക്കുന്നു
സ്നേഹപൂര്‍വ്വം തന്‍കരത്താല്‍ താങ്ങി നടത്തിടുന്നു-
4 ജീവകാലം നിന്‍കൃപകളോര്‍ത്തു വസിച്ചിടുന്നു ഞാന്‍
ലോകത്തില്‍ ഞാനേകനല്ല യേശുവെന്നാത്മമിത്രം-
5 സ്തോത്രഗീതം പാടി മുദാ വാഴ്ത്തി സ്തുതിച്ചിടുന്നു ഞാന്‍
സ്തോത്രസ്തുതികള്‍ക്കു യോഗ്യന്‍ നീതാനെന്നാശ്രയമാം-
6 വിശ്രമദേശത്തിലീ ഞാനെത്തിച്ചേരും നാള്‍ വരെയും
ഭദ്രമായി തൃക്കരത്താല്‍ നിത്യം നടത്തേണമേ-
Download pdf