328. യേശുവെപ്പോലൊരു ദൈവമുണ്ടോ
യേശുവെപ്പോലൊരു ദൈവമുണ്ടോ?
ക്രിസ്തേശുവെപ്പോലൊരു ദൈവമുണ്ടോ?
1 സൂര്യനും ചന്ദ്രനും ഉഡുഗണവും സുന്ദരമായി ചമച്ചവന്‍ നീ
സൗരഭ്യമേകും നറുമലരും സുന്ദരമായി ചമച്ചവന്‍ നീ
2 കന്യകമേരിയിലുരുവായി കാലിത്തൊഴുത്തില്‍ പിറന്നു പരന്‍
കാറ്റിനെ ശാസിച്ചു അമര്‍ത്തിയവന്‍
കടലലകളിന്മേല്‍ നടന്നു പരന്‍-
3 അഞ്ചപ്പത്താലയ്യായിരം പേര്‍ക്ക്
ആഹാരം തൃപ്തിയായ് നല്‍കിയവന്‍
അദ്ധ്വാനിക്കുന്നോര്‍ക്കുമലഞ്ഞവര്‍ക്കും
അത്താണിയായവന്‍ നീയൊരുവന്‍-
4 മാനവരക്ഷയ്ക്കായ് കുരിശിന്മേല്‍
മന്നവനായ്ത്തീര്‍ന്നു മരിച്ചുയിര്‍ത്തു
വാനവനായോനേ യേശുനാഥാ!
മാനമഹത്ത്വങ്ങള്‍ നിനക്കുതന്നെ-
Download pdf