469. യേശുവെപ്പോലെ ആകുവാന്‍
‘More about Jesus’
1 യേശുവെപ്പോലെ ആകുവാന്‍ യേശുവിന്‍ വാക്കു കാക്കുവാന്‍
യേശുവെ നോക്കി ജീവിപ്പാന്‍ ഇവയെ കാംക്ഷിക്കുന്നു ഞാന്‍
ഉറപ്പിക്കെന്നെ എന്‍നാഥാ! നിറയ്ക്കയെന്നെ ശുദ്ധാത്മാ!
ക്രിസ്തന്‍ മഹത്ത്വത്താലെ ഞാന്‍ മുറ്റും നിറഞ്ഞു ശോഭിപ്പാന്‍
2 ശൈശവ പ്രായവീഴ്ചകള്‍ മോശെയാലുള്ള താഴ്ചകള്‍
നീക്കുക എല്ലാം നായകാ! ഏകുക നിന്‍ സമ്പൂര്‍ണ്ണത-
3 പ്രാര്‍ത്ഥനയാല്‍ എപ്പോഴും ഞാന്‍ ജാഗരിച്ചു പോരാടുവാന്‍
നിന്‍റെ സഹായം നല്‍കുക എന്‍റെ മഹാപുരോഹിതാ!-
4 വാഗ്ദത്തമാം നിക്ഷേപം ഞാന്‍ ആകെയെന്‍ സ്വന്തമാക്കുവാന്‍
പൂര്‍ണ്ണപ്രകാശം രക്ഷകാ പൂര്‍ണ്ണവിശ്വാസത്തെയും താ-
5 ഭീരുത്വത്താല്‍ അനേകരും തീരെ പിന്മാറി ഖേദിക്കും
ധീരത നല്‍കുകേശുവേ വീരനാം സാക്ഷി ആക്കുകേ-
6 വാങ്ങുകയല്ല ഉത്തമം താങ്ങുക ഏറെ ശുദ്ധമാം
എന്നു നിന്നോടുകൂടെ ഞാന്‍ എണ്ണുവാന്‍ ജ്ഞാനം നല്‍കണം-
7 തേടുവാന്‍ നഷ്ടമായതും നേടുവാന്‍ ഭ്രഷ്ടമായതും
കണ്ണുനീര്‍വാര്‍ക്കും സ്നേഹം താ വന്നു നിന്‍ അഗ്നി കത്തിക്ക-
8 കഷ്ടതയിലും പാടുവാന്‍ നഷ്ടമതില്‍ കൊണ്ടാടുവാന്‍
ശക്തിയരുള്‍ക നാഥനേ! ഭക്തിയില്‍ പൂര്‍ണ്ണനാക്കുകേ-
9 യേശുവിന്‍ കൂടെ താഴുവാന്‍ യേശുവിന്‍ കൂടെ വാഴുവാന്‍
യേശുവില്‍ നിത്യം ചേരുവാന്‍ ഇവയെ കാംക്ഷിക്കുന്നു ഞാന്‍-
Download pdf