Lyrics : T.J.Vയേശുവിന്നരികില് വാ പാപി!
ഈശന് നിന് ദുരിതങ്ങള് തീര്ത്തിടും വേഗം
1 പാപത്തില് വളര്ന്നു നീ നരകത്തീയില് വീണു
താപത്താലെരിയാതെ വരിക വൈകാതെ-
2 നിന്പാപമഖിലവും തന് കണ്ണിന്നു മുമ്പാകെ
കാണുന്നായതിനാലെ താണു നീ വേഗം-
3 പാപിക്കാശ്രയമായി താനല്ലാതെയില്ലാരും
പാദേ ചേര്ന്നിടുന്നോരെ പാലിക്കുന്നോരു-
4 ആണിപ്പാടുകളുള്ള പാണി നീട്ടിയും കൊണ്ടു
ക്ഷീണരെ വിളിക്കുന്നു കാണുന്നില്ലേ നീ?-
5 ഒന്നുകൊണ്ടുമെന് ചാരേ വന്നിടും നരരെ ഞാന്
നിന്ദിച്ചു ത്യജിക്കയില്ലെന്നു ചൊന്നൊരു-
6 നിന്നെ നോക്കിയും കൊണ്ടു കണ്ണുനീര് ചൊരിയുന്നു
പിന്നെയെന്നു നീ ചിത്തേ ചിന്തിച്ചിടാതെ-
7 ഉന്നതന് വിളികേട്ടു പിന്നാലെ വരികെന്നാല്
പൊന്നുലോകത്തിലെന്നും സാമോദം വാഴാം-
T.J.V
![](images/PDF.gif)
Download pdf