യേശുവിന് സ്നേഹത്താലെന്നുള്ളം പൊങ്ങുന്നേ
തന്സ്നേഹമാധുര്യം ചിന്താതീതമത്രേ
ഹാ എത്ര ആഴമേ യേശുവിന് സ്നേഹമേ
ആയതിന് ധ്യാനമെന് ജീവിതഭാഗ്യമേ
1 ലോകസ്ഥാപനം മുമ്പെന്നെയും കണ്ടല്ലോ
ലോകത്തില് വന്നു തന് ജീവനെ തന്നല്ലോ
എത്രയോ ശ്രേഷ്ഠമാം സ്വര്ഗ്ഗീയ വിളിയാല്
എന്നെയും യോഗ്യനായെണ്ണിയ സ്നേഹമേ-
2 കര്ത്താവാം കുഞ്ഞാട്ടിന് കല്യാണനാളതില്
കാന്തയായ് തന്മുമ്പിലെന്നെയും നിര്ത്തുവാന്
ഘോരമാം പാടുകള് ക്രൂരരാം യൂദരാല്
കാരണമില്ലാതെ സഹിച്ച സ്നേഹമേ
3 സീയോനിലെനിക്കായ് മൂലക്കല്ലാകുവാന്
സീയോനിലെന്നെയും ചേര്ത്തു പണിയുവാന്
സ്വര്ഗ്ഗീയതാത നിന്വേലയും തികച്ചു
സ്വര്ഗ്ഗീയശില്പ്പിയാം യേശുവിന് സ്നേഹമേ-
4 അത്ഭുതസ്നേഹമാം സ്വര്ഗ്ഗീയ ദാനത്താല്
സമ്പൂര്ണ്ണനാക്കിടും എന്നെയും തന്നേപ്പോല്
ശത്രുവാമെന്നെയും തന് സ്വന്തമാക്കിയ
സ്നേഹസ്വരൂപ നിന് അതുല്യസ്നേഹമെ-
5 ജീവകിരീടവും ജ്യോതിയാം വസ്ത്രവും
നീതിയിന് ചെങ്കോലും ധരിച്ചുവാഴുവാന്
മുള്മുടി ധരിച്ചു നിന്ദയും സഹിച്ചു
മന്നാധി മന്ന നിന് മാറാത്ത സ്നേഹമേ
6 വീണ്ടെടുപ്പിന് ഗാനം പാടും ഞാന് സീയോനില്
വിണ്ദൂതര്ക്കും പാടാന് അസാദ്ധ്യമേയത്
കാല്വറി ഗിരിയില് കാല്കരം തുളച്ച
മന്നാധിമന്ന നിന് മാറാത്ത സ്നേഹമേ-
![](images/PDF.gif)
Download pdf