473. യേശുവിന്‍ തിരുമുഖമേ-എനിക്കേറ്റം
യേശുവിന്‍ തിരുമുഖമേ-എനിക്കേറ്റം
ആശ്വാസം പ്രതിദിനമേ
1 നാശലോകത്തില്‍നിന്നു ദാസനാമെന്നെയവന്‍
ആശയോടെ വീണ്ടെടുത്തതോര്‍ക്കുന്നേരം-
2 വാനദിനേശനാമെന്‍ നായകനെ ഞാനെന്‍റെ
മാനസേ ധ്യാനിച്ചിടുമ്പോള്‍ സ്നേഹമാര്‍ന്ന-
3 നാഥനാമേശുവിന്‍റെ പാദത്തിലിരുന്നു ഞാന്‍
വേദവാക്യങ്ങള്‍ കൃപയാല്‍ ധ്യാനിക്കുമ്പോള്‍-
4 അരുണോദയ സമയേ പരിചൊടെഴുന്നു തിരു-
ചരണസമീപേ ചെല്ലുമ്പോള്‍ ഇമ്പമേറും-
5 ഓരോ കാര്യങ്ങളെന്‍റെ നേരെ വന്നെതിര്‍ത്തുകൊ-
ണ്ടോരോന്നായ് വിഷമിപ്പിക്കും നേരമെന്‍റെ-
6 മോടിയേറും മുഖത്തിലേറെ പാടുകളേറ്റു
വാടിയതോര്‍ത്തു നോക്കുമ്പോള്‍ പ്രാണനാഥന്‍-
7 മേഘവാഹനത്തില്‍ സ്വര്‍ല്ലോക ദൂതരുമായി
ആഘോഷമോടെ വരുമ്പോള്‍ ശോഭതിങ്ങും-
Download pdf