Lyrics : M.E.C.യേശു വരുന്നു വേഗം വരുന്നു ഒരുങ്ങുവിന് പ്രിയരേ!-നമ്മള്
പ്രാണനാഥന് വരുന്നു കാണുവാന് കാത്തിരിപ്പിന് പ്രിയരേ!
1 അത്തിവൃക്ഷം തളിര്ത്തുനില്ക്കും കാലമായല്ലോ
കാത്തിരുന്ന സ്വന്തനാട്ടില് യൂദര് പോയല്ലോ
കാലമേറെയില്ല-കാന്തന് താമസിക്കയില്ല
വേഗം വന്നു വീട്ടില് നമ്മെ ചേര്ത്തിടുമല്ലോ-
2 സര്വ്വസൃഷ്ടിജാലം പോലും കാത്തിരിക്കയാം
ദൈവപുത്രന് വീണ്ടെടുപ്പ് പൂര്ത്തിയാകുവാന്
അന്നേ ശോകം തീരൂ-യേശു വന്നേ ശാപം മാറൂ
ഉര്വിയെങ്ങുമന്നു മാത്രം ശാന്തി വന്നിടും-
3 ഉദയതാരമുദിച്ചു നേരം വെളുക്കുവോളവും
ഹൃദയവീട്ടില് വചനമാകും വിളക്കു വയ്ക്കുവിന്
അന്ധകാരം മാറും-ദു:ഖബന്ധനങ്ങള് തീരും
നീതി സൂര്യന് കാന്തി ചിന്തി വന്നുദിക്കുമേ-
4 പാരില് തപിക്കും ഭക്തര് ഖേദം വേഗം തീരുമേ
നേരില് തന്നെ കാണും നേരം കണ്ണീര് തോരുമേ
പിന്നെ ദു:ഖമില്ല മൃത്യുവെന്ന ശത്രുവില്ല
എന്നുമെന്നും കര്ത്തനോടു ചേര്ന്നു വാഴുമേ!-
![](images/PDF.gif)
Download pdf