119. യേശുരാജാ നിന്‍തിരു പാദത്തില്‍
യേശുരാജാ നിന്‍തിരു പാദത്തില്‍
വന്ദനം വന്ദനം വന്ദനം!
പ്രാണനാഥാ നിന്‍ മുറിവില്‍ സദാ
ചുംബനം ചുംബനം ചുംബനം!
1 എന്നെ തേടി വന്ന ദേവ ദേവനേ
എന്‍റെ ശാപം തീര്‍ത്ത നല്ല നാഥനേ
തിരുച്ചോരചിന്തി എന്നെ വീണ്ടതാല്‍
വന്ദനം വന്ദനം വന്ദനം!
2 പാപച്ചേറ്റില്‍ നിന്നെന്‍ പാദം പാറമേല്‍
നിര്‍ത്തി പാടാന്‍ പുതുഗീതം തന്നതാല്‍
സ്തുതി സ്തോത്രം സ്വീകരിപ്പാന്‍ യോഗ്യന്‍ നീ
വന്ദനം വന്ദനം വന്ദനം!
3 എന്‍റെ പേര്‍ക്കായ് മരിച്ചെന്നാല്‍ മൂന്നാം നാള്‍
ഉയിര്‍ത്തിന്നു താതന്‍ വലഭാഗത്തായ്
പക്ഷവാദം ചെയ്യും മഹാ സ്നേഹമേ!
വന്ദനം വന്ദനം വന്ദനം!
4 തിരുതേജസ് എനിക്കും തന്നിടുവാന്‍
വേഗം വാനില്‍ വരും പ്രാണപ്രിയാ നിന്‍
തിരുപാദം പണിഞ്ഞെന്നും പാടിടും
വന്ദനം വന്ദനം വന്ദനം!
Download pdf