969. യേശു രാജന്‍ മേഘത്തേരില്‍
രീതി: പദം പദം ഉറച്ചു നാം
യേശു രാജന്‍ മേഘത്തേരില്‍ വന്നിടുവാന്‍ കാലമായ്
ആശയോടു കാത്തിരിക്കും ഭക്തരേ ഉണരുവിന്‍
1 മണ്ണിതിന്‍റെ ദു:ഖവും നിലവിളിയും നീങ്ങിടും
കണ്ണുനീര്‍ തുടച്ചിടുവാന്‍ കര്‍ത്തന്‍ കരം നീട്ടിടും-
2 ആര്‍ത്തിയോടു കാത്തിരിക്കും ശുദ്ധരിന്‍ സമൂഹമേ
പാര്‍ത്തലം വിട്ടക്കരയ്ക്കു പോകുവാന്‍ സമയമായ്-
3 നന്നു, നല്ലദാസനേ! നീയല്‍പ്പത്തില്‍ വിശ്വസ്തനായ്
എന്നു ചൊല്ലും കര്‍ത്തന്‍ ശബ്ദം കേട്ടിടാന്‍ സമയമായ്-
4 കാലമെല്ലാം നീങ്ങിടാറായ് നിത്യതയുദിക്കാറായ്
കര്‍ത്തന്‍ ശില്‍പ്പിയായിത്തീര്‍ത്ത പട്ടണത്തിലെത്താറായ്-
5 രക്തം ചിന്തി നമ്മെ വീണ്ട കര്‍ത്തന്‍ മുഖം കണ്ടതില്‍
മുത്തം ചെയ്തു നന്ദിയോടു വന്ദിച്ചിടാന്‍ കാലമായ്-
6 വിണ്ണിന്‍ നാഥനോടു ചേരാന്‍ മണ്ണിനെ വെടിഞ്ഞിടാം
കണ്ണിമയ്ക്കും നേരത്തില്‍ നാം വിണ്ണില്‍ ചേര്‍ന്നു വാണിടും-
Download pdf