359. യേശു മഹേശാ, നിന്‍ സന്നിധിയില്‍
1 യേശു മഹേശാ, നിന്‍ സന്നിധിയില്‍ ഞങ്ങള്‍
ആശയോടെ ഇതാ വന്നിടുന്നേ-ദയ
ലേശമുദിക്കുവാന്‍ കൈ തൊഴുന്നേ
2 ക്ഷീണരായുള്ളോരി ഞങ്ങള്‍ തന്നുള്ളത്തിന്‍
ദീനതയത്രയും തീര്‍ത്തിടണേ-എല്ലാ ന്യൂനതയും നീക്കി കാത്തിടണേ
3 കൂരിരുള്‍ ശുദ്ധ വെളിച്ചമായ് മാറ്റുന്ന
വേറൊരു ശക്തിമാന്‍ ഭൂവിലുണ്ടോ? ഇത്ര
കൂറുള്ള നായകന്‍ വാനിലുണ്ടോ?
4 തീയിനെപ്പോലും തണുപ്പിക്കും തൃക്കരം
ഈയടിയാര്‍ മേല്‍ നീ വയ്ക്കണമേ നിന്‍റെ
കായപ്രദര്‍ശനം നല്‍കേണമേ-
5 നിന്‍മൊഴി കേള്‍പ്പാന്‍ കൊതിക്കുന്നു കര്‍ണ്ണങ്ങള്‍
നന്മയെനിക്കതാലുണ്ടായ് വരും-സര്‍വ്വ
തിന്മയും നീങ്ങി സുഖമുയരും-
6 വന്നിടണേ യേശു മന്നവനേ, ഞങ്ങള്‍
നന്നായുണര്‍ന്നു തെളിഞ്ഞിടുവാന്‍-സഭ
യൊന്നായി വാനിലുയര്‍ന്നിടുവാന്‍-
Download pdf