970. യേശു മഹേശന്‍ താന്‍ വാന
രീതി: പരിശുദ്ധാത്മാവേ ശക്തി
യേശു മഹേശന്‍ താന്‍ വാനവിതാനത്തില്‍
വന്നിടുവാനിതാ സമയമായ് പ്രിയരേ ഒരുങ്ങിടാം നാം വേഗം
1 കരുതലോടിനി നാം കാത്തിരിക്കാം കരുണയിന്‍ സമ്പന്നനായവനെ
കരങ്ങളാല്‍ നടത്തിയ കൃപയോര്‍ക്കാം കണ്ണുനീര്‍ തൂകിടാം-
2 ലൗകിക സുഖങ്ങള്‍ വിട്ടോടാം ലോകത്തിന്‍ ലാഭങ്ങള്‍ വെറുത്തിടാം
യോസേഫിന്‍ ധീരത കാട്ടിടാം മിര്യാമിന്‍ ഗാനം പാടാം-
3 മറന്നിടാം മിസ്രയിമിന്‍ ചൂളകളെ പിറുപിറുപ്പൊക്കെയകറ്റിടാം
സ്നേഹത്തിന്‍ കൊടിക്കീഴിലണിനിരക്കാം ഒന്നായി മുന്നേറാം-
4 ചെങ്കടല്‍ രണ്ടായ് പിളര്‍ന്നിടും പുതുവഴി മുന്നില്‍ തുറന്നിടും
വൈരികളെല്ലാമമര്‍ന്നിടും വിജയം നാം നേടും-
Download pdf