873. യേശു മതി എന്നേശു മതി ശാ
1 യേശു മതി എന്നേശു മതി ശാശ്വതമായെന്നാശ്രയമായ്
ആകുലമകന്നെന്‍ ജീവിത നൗക തുറമുഖമണയാറായല്ലോ
മാറിടും ക്ഷോണി വന്‍ഗിരിപോലും മാറുകില്ലവന്‍ ദയ ഒരുനാളും
കാത്തിടും തന്‍കരത്താലവന്‍ നമ്മെ കാര്‍മുകില്‍ ഭീകരവേളകളില്‍
2 മറന്നിടും നമ്മെ മാതാവെന്നാല്‍ മറക്കുകില്ലൊരിക്കലും എന്നേശു
അരുളിയ വചനം ബലമേകുന്നു അനുദിന ജീവിതയാത്രയ്ക്ക്-
3 ആഴിയിലോടുമെന്‍ തോണിയെ നയിക്കും അഖിലാണ്ഡത്തിന്‍ ഉടയവനാല്‍
ഉയരുന്നലകളില്‍ ഉടയാന്‍ തോണിയെ ഉടയവനൊരിക്കലും വിടുകില്ല-
4 ഒരുക്കുവാന്‍ നമുക്കൊരു ഭവനം സ്വര്‍ഗ്ഗേ അരുളിയെന്നേശു പോയപ്പോള്‍
മറക്കുകില്ലൊരിക്കലും അവന്‍ വരും നമ്മെ മോഹന നാട്ടില്‍ ചേര്‍ത്തിടുവാന്‍
Download pdf