222. യേശുനാഥാ! സ്നേഹരൂപാ! വാഴ്ത്തും
രീതി: മാറിടാത്ത യേശു
1 യേശുനാഥാ! സ്നേഹരൂപാ! വാഴ്ത്തും നിന്നെ സാദരം
ക്രൂശിലോളം താണു എന്നെ സ്നേഹിച്ചോ! നീ അകാരണം
സ്തുതിക്കും ഞാന്‍ സ്തുതിക്കും ഞാന്‍ ജീവനാഥാ! നിരന്തരം
2 മുള്‍ക്കിരീടം ചൂടിയോ നീ നിന്ദിതനായ് തീര്‍ന്നുവോ
പാപിയെന്നെ മോചിപ്പാനായ് പാടുകള്‍ നീ സഹിച്ചെന്നോ!
3 ആണികള്‍ നിന്‍പാണികളില്‍ പാഞ്ഞുകേറും നേരവും
സാധുവെന്നെ ഓര്‍ത്ത നിന്‍റെ സ്നേഹമെന്തോരതിശയം!
4 ഇത്ര സ്നേഹം ഇദ്ധരയില്‍ വേറെയില്ല രക്ഷകാ!
എന്നെ സ്നേഹിച്ചെന്‍റെ പേര്‍ക്കായ് രക്തം ചിന്തി മരിച്ചെന്നോ!
5 നായക! നിന്‍ ദണ്ഡനങ്ങള്‍ നാവിനാല്‍ അവര്‍ണ്ണ്യമാം
താവക തൃപ്പാദം രണ്ടും ചുംബിച്ചു ഞാന്‍ നമിക്കുന്നു
Download pdf