190. യേശുതാനുന്നതന്‍ ആരിലും അതി
യേശുതാനുന്നതന്‍ ആരിലും അതിവന്ദിതന്‍
നന്ദിയായ് ഹൃദിതിങ്ങുമാദരാല്‍ ചെയ്ക നാം സ്തുതി നാവിനാല്‍
1 ദൈവനന്ദനുന്നതേ-നിന്നു വന്നവന്‍ കന്യാ ജാതനായ്
ക്ലിഷ്ടമാം പശുശാലയില്‍ ശഷ്പശയ്യയില്‍ പള്ളികൊള്‍വോനായ്
മുന്നരുള്‍പോലെ ബേതലേം പുരി തന്നില്‍ വന്നു പിറന്നു താന്‍
തന്നുടെ പേരില്‍ വന്നതെല്ലാമേ മുന്നമേ അരുള്‍ ചെയ്തപോല്‍
2 ഭക്തിബദ്ധന്മാര്‍ ബുദ്ധന്മാര്‍ പൊന്നു കുന്തുരുക്കവും മൂരുമായ്
കാഴ്ചയര്‍പ്പിച്ചു സന്നമിച്ചവരുന്നത സുതനേശുവെ
വേദജ്ഞാനികള്‍ ബാലനേശുവില്‍ക്കണ്ടു വേദ്യവേദാന്തിയെ
അമ്മ കാനാവില്‍ ചൊന്നില്ലേ സുത- ന്നാജ്ഞപോലെല്ലാം ചെയ്യുവാന്‍
3 ദൈവപുത്രനാമേശു തന്‍-താതനെന്നുമേ പ്രിയമുള്ളവന്‍
തന്‍ മൊഴികേള്‍പ്പാനല്ലയോ ദൈവം ഉന്നതേ നിന്നുരത്തതും
തന്‍റെ വാക്കിനാല്‍ ഭൂതമോടിയേ വ്യാധിയൊക്കെയടങ്ങിയേ
തന്നടിക്കടി വന്‍കടല്‍ത്തിര പഞ്ഞിപോലെയമര്‍ന്നഹോ!-
4 അല്‍പ്പമായുള്ള ഭക്ഷണം-ബാലനര്‍പ്പിച്ചേശുവിന്‍ കൈയിലായ്
തൃപ്തരായി അയ്യായിരം ജനം പുഷ്ടഭോജനം ഭക്ഷിച്ച്
ദൈവമായവന്‍ തന്നൊരപ്പമായ് ദ്യോവില്‍നിന്നു താന്‍ വന്നതായ്
കാണുവോര്‍ക്കവന്‍ ജീവപൂപമായ് ജീവന്‍ തന്നൊരു രക്ഷകന്‍-
5 മൃത്യുവിന്‍ പിമ്പുയിര്‍ത്തെഴുന്നതി ശക്തിയോടിഹെ വന്നോനായ്
ക്രിസ്തുവെന്നിയേ വേറാരുമില്ല നിത്യമാം ജീവനാണവന്‍
വാനിലേറിയോന്‍ താന്‍ വരും വേഗം തന്‍ വ്രതരോ തന്‍ കൂടെയായ്
ജീവനില്‍ വാഴും ഖേദമോ പിന്നെ യേതുമേ കാണുകില്ല ഹോ!
Download pdf