828. യേശു എന്നാശ്രയമാം ക്രിസ്തേശു
യേശു എന്നാശ്രയമാം ക്രിസ്തേശു എന്നാശ്രയമാം
അവനനുഗ്രഹകരങ്ങള്‍ നീട്ടിയെന്നെത്തന്‍ അരികിലണച്ചിടുന്നു
1 ദാഹത്തെപ്പെരുക്കും ജലമല്ലോ-ഇഹലോകം കൊടുക്കും സുഖമെല്ലാം
സ്നേഹത്തിന്നുറവിടമേശുവത്രേയെന്‍ ദാഹത്തെത്തീര്‍ക്കും ജീവജലം-
2 വൈരികളെതിരായ് നിരന്നിടിലും-മമ സ്നേഹിതരെന്നെ മറന്നിടിലും
മറക്കുകിലേശു മനസ്സലിവോടെ മറച്ചിടും സ്നേഹച്ചിറകടിയില്‍-
3 ജഡത്തിലെ ശൂലം മാറാതാം-ദൈവജനത്തിനു ശോധന തീരാതാം
ബലം തരും സഹിക്കാന്‍ കൃപതരുമതിനാല്‍
ബലഹീനതയില്‍ പുകഴും ഞാന്‍-
4 മന്നിതിലില്ല സ്ഥിരവാസം-നമുക്കുന്നത നാടാമവകാശം
വന്നിടുമേശു തന്നിടുമന്നു മിന്നിടും ദേഹം തന്നുടല്‍പോല്‍-
Download pdf