175. അല്ലും പകലും കീര്‍ത്തനം പാടി
രീതി: പാടും ദിനവും ഞാന്‍
അല്ലും പകലും കീര്‍ത്തനം പാടി
വല്ലഭാ നിന്നെ ഞാന്‍ സ്തുതിച്ചിടും
നന്മയേറും തിരുപ്പാദ തളിരില്‍
നിത്യമഭയം അരുളിടുന്നതിനാല്‍ (2)
1 കലങ്ങിമറിയും മാമക ഹൃദയം
കടലിന്നലകള്‍ പോലനുനിമിഷം
അലയുംനേരം കരങ്ങളാല്‍ താങ്ങും
അന്‍പിനോടെന്നേശു മഹേശന്‍ (2)
2 സ്വര്‍ഗ്ഗഗേഹകലവറ തുറന്നെന്‍
സീയോന്‍ യാത്രയിന്‍ ക്ലേശങ്ങളകറ്റി
ക്ഷീണം ലേശവും ഭവിച്ചിടാതനിശം
ക്ഷേമമായവന്‍ പോറ്റിടുന്നെന്നെ (2)
3 കഠിനശോധന വരികിലും ചാരും
കര്‍ത്തനേശുവിന്‍ അന്‍പെഴും മാര്‍വ്വില്‍
നേടും ഞാനതില്‍ ആശ്വാസമെന്നും
പാടും നല്‍സ്തുതി ഗീതങ്ങളെങ്ങും (2)
4 ഇത്ര നല്ലൊരു രക്ഷകുനുലകില്‍
ഇല്ല മാനവര്‍ക്കായൊരു നാമം
ശരണമവനില്‍ മാത്രമായതിനാല്‍
മരുപ്രയാണം അതിശുഭകരമാം (2)
Download pdf