37. യേശു എന്‍റെ രക്ഷകന്‍ എത്രയാ
യേശു എന്‍റെ രക്ഷകന്‍ എത്രയാനന്ദം
തന്‍റെ നാമം വാനം ഭൂവിലെത്ര ശ്രേഷ്ഠമാം
1 പാപികളെത്തേടി യേശു പാരിതില്‍ വന്നു
പാവന നിണം ചൊരിഞ്ഞു പാരിതിന്‍ മദ്ധ്യേ
കണ്ടു ദൈവസ്നേഹം ക്രൂശില്‍ പുത്രനെ കൊന്നുതന്ന
രക്ഷ എന്തൊരാശ്ചര്യം! മഹാത്ഭുതം!-
2 മൃത്യുവെ തകര്‍ത്തു ഉയിര്‍ത്തെഴുന്നു കര്‍ത്തനും
മര്‍ത്ത്യതയ്ക്കറുതി വന്നു തന്നുയിര്‍പ്പിനാല്‍
മൃത്യുവിന്നടിമയിലിരുന്നതാം ജനം
നിത്യമാം പ്രകാശത്താല്‍ പ്രശോഭിതരായി-
3 ഇത്ര ശ്രേഷ്ഠ നായകന്‍ എനിക്കു കര്‍ത്തനാം
തന്‍റെ ശ്രേഷ്ഠ നാമമെന്‍റെ കീര്‍ത്തനം സദാ
പാര്‍ത്തലത്തില്‍ പാര്‍ത്തിടുന്ന കാലമത്രയും
ആര്‍ത്തിയോടെന്‍ നാഥനെ വണങ്ങി വാഴ്ത്തിടും-
4 പൂകി യേശു വാനലോകെ നാഥന്‍ പക്ഷത്തില്‍
മേവിടുന്നാചാര്യനായി തന്‍ ജനത്തിനായ്
പരമതിങ്കല്‍ പുരമൊരുക്കി അരികിലാക്കുവാന്‍
വിരവിലേശു വന്നിടും തിരുജനത്തിനായ്
Download pdf