651. യേശു എന്‍ പക്ഷമായ് തീര്‍ന്നതിനാല്‍
1 യേശു എന്‍ പക്ഷമായ് തീര്‍ന്നതിനാല്‍ എന്തൊരാനന്ദമീ ഭൂവില്‍ വാസം
ഹാ! എത്രമോദം പാര്‍ത്തലത്തില്‍ ജീവിക്കും നാള്‍-
2 ലോകം വെറുത്തവരേശുവോടു ചേര്‍ന്നിരുന്നപ്പോഴും ആശ്വസിക്കും
മാ ഭാഗ്യകനാന്‍ ചേരുംവരെ കാത്തിടേണം-
3 ഈ ലോകരാക്ഷേപം ചൊല്ലിയാലും ദുഷ്ടര്‍ പരിഹാസമേറിയാലും
എന്‍പ്രാണനാഥന്‍ പോയതായ പാതമതി-
4 വേഗം വരാമെന്നുരച്ചവനെ നോക്കി നോക്കി കണ്‍കള്‍ മങ്ങിടുന്നേ
എപ്പോള്‍ വരുമോ പ്രാണപ്രിയാ കണ്ടിടുവാന്‍-
5 ലോകമെനിക്കൊരാശ്വാസമായ് കാണുന്നില്ലേ എന്‍റെ പ്രാണനാഥാ
നാള്‍തോറുമെനിക്കാശ്വാസമായ് തീര്‍ന്നിടേണെ
Download pdf