Lyrics : M.V.യെരൂശലേമെന് ഇമ്പ വീടേ! എപ്പോള് ഞാന് വന്നുചേരും ?
ധരണിയിലെ പാടും കേടും എപ്പോള് ഇങ്ങൊഴിയും?
1 ഭക്തരിന് ഭാഗ്യതലമേ പരിമളസ്ഥലം നീയേ
ദു:ഖം വിചാരം പ്രയത്നം നിങ്കലങ്ങില്ലേ-
2 രാവും അന്ധകാരം വെയില് ശീതവും അങ്ങില്ലേ
ദീപതുല്യം ശുദ്ധരങ്ങു ശോഭിച്ചിടുന്നേ-
3 രത്നങ്ങളല്ലോ നിന്മതില് പൊന്നും മാണിക്യങ്ങള്
പന്ത്രണ്ടു നിന് വാതില്കളും മിന്നും മുത്തല്ലോ-
4 യെരൂശലേമെന് ഇമ്പ വീടേ! എന്നു ഞാന് വന്നു ചേരും
പരമരാജാവിന് മഹത്ത്വം അരികില് കണ്ടിടും-
5 ശ്രേഷ്ഠനടക്കാവുകളും തോട്ടങ്ങളും എല്ലാം
കാട്ടുവാനിണയില്ലാത്ത കൂട്ടമരങ്ങള്-
6 ജീവനദി ഇമ്പശബ്ദം മേവി അതിലൂടെ
പോവതും ഈരാറ്റുവൃക്ഷം നില്പതും മോടി-
7 ദൂതരും അങ്ങാര്ത്തു സദാ സ്വരമണ്ഡലം പാടി
നാഥനെ കൊണ്ടാടിടുന്ന ഗീതം മാമോടി-
8 യെരൂശലേമിന് അധിപനീശോ! തിരുമുന് ഞാന് സ്തുതിപാടാന്
വരും വരെയും അരികില് ഭവാന് ഇരിക്കണം നാഥാ!-
![](images/PDF.gif)
Download pdf