1243. അരുമനാഥനേ! തവ
രീതി: മനുജനിവന്‍ ഭാഗ്യവാന്‍
അരുമനാഥനേ! തവ പരമജീവനെ മമ
ദുരിതപരിഹാരമായ് കുരിശില്‍ വച്ചതോര്‍ക്കുന്നേന്‍
1 പാപം ചെയ്തതോയീ ഞാന്‍ ശാപമായതോ ഭവാന്‍!
താപം നീക്കുവാന്‍ ദേവകോപം തൂകി നിന്‍റെ മേല്‍-
2 മനുജരാകവേ മൃതിവശരായ് കോപപാത്രരായ്
മനുജനായി നീ ജീവനരുളാന്‍ ദേവ സൂനുവേ-
3 ചത്തു ക്രൂശതില്‍ നിന്നോടൊത്തു മര്‍ത്ത്യനാമിവന്‍
പുത്തന്‍ ജീവനെ നീ താന്‍ ദത്തം ചെയ്തതാല്‍ മമ-
4 പുത്തന്‍ കല്ലറയതില്‍ ഭക്തര്‍ വച്ചു നിന്നെയും
സത്യം നിന്നുടെയടക്കത്തിലെന്നെയും പരം-
5 നീയോ ചാവിനെ ജയിച്ചാരംഭമായുയിര്‍പ്പിന്‍
ജീവനിലെന്നെയുമുയര്‍ത്തി നിന്നോടുകൂടെ-
6 ആരോഹണമായി നീ താതന്‍ വലഭാഗത്തു
മേവുന്നെന്നെയുമവിടാക്കി ഭാഗ്യവാനഹം-
7 കല്ലറയെനിക്കിതാ! വെള്ളം തന്നെ സ്നാനത്തില്‍
നല്ല സാമ്യമുണ്ടടക്കത്തിന്നുമുയര്‍പ്പിനും-
Download pdf