Lyrics : K.V.S.1 യാഹ്വെ സ്തുതിപ്പിനവന് ശുദ്ധമാം മന്ദിരത്തില്
ആഹ്വാനം ചെയ്തു നുതി ഘോഷിപ്പിന്
വൈഹായസ വിതാന ഭംഗി പരിഗണിച്ചു
മഹേശ്വര സ്തുതികള് ചെയ്തിടിന്
2 തുല്യമില്ലാത്ത തന്റെ വീര്യപ്രവൃത്തി വാഴ്ത്തി
ഭൂലോകമെങ്ങും പൊടി പാറിടിന്
കല്ലോലമാലിയോടു സോല്ലാസമിബ്ഭുവനം
തുള്ളിക്കളിച്ചിടുമാറെന്നാളും
3 നിസ്സീമമായ തന്റെ തേജസ്സിനൊത്തവണ്ണം
സല്സേവിതന്നു നുതി പാടിടിന്
സുശ്രാവ്യമായ വെള്ളിക്കാഹളധ്വനിയോടു
ശാശ്വതനായകനെ വന്ദിപ്പിന്.
4 പൊന്മയമായ വീണക്കമ്പികള് മീട്ടി യാഹിന്
കര്മ്മമഹിമയെങ്ങും ഘോഷിപ്പിന്
നിര്മ്മലഭക്തിയോടു തന്നെ വണങ്ങിടുവിന്
ധര്മ്മസ്വരൂപഭംഗി കാണിപ്പിന്
5 സത്യേശ്വരന്നു മുമ്പില് നൃത്തം തുടങ്ങിടുവിന്
തപ്പോടു കിന്നരങ്ങള് വായിപ്പിന്
കൈത്താളനാദമഭ്രേ ശക്ത്യാമുഴങ്ങിടട്ടെ
സാത്താന് നടുങ്ങിടട്ടെ ഹോശന്നാ
6 സര്വ്വേശ്വരന്റെ കൃപയുര്വ്യാമനുഭവിക്കും
ഗര്വ്വമകന്ന ജീവി സംഘാതം
സര്വ്വമവന്നു ജയം പാടട്ടെ ഹല്ലെലുയ്യാ
ദുര്വ്വാരഘോഷമുയര്ന്നിടട്ടെ.
![](images/PDF.gif)
Download pdf