718. മാറാത്ത സ്നേഹിതന്‍ മാനുവേല്‍
മാറാത്ത സ്നേഹിതന്‍ മാനുവേല്‍ തന്‍തിരു-
മാറിടം ചാരിടും ഞാന്‍ ദിനവും
പാരിടമാകവേ മാറിടും നേരവും ചാരിടാന്‍ തന്‍തിരു മാറിടമാം
1 ഖേദമെന്നാകിലും മോദമെന്നാകിലും
ഭേദമില്ലാത്തൊരു സ്നേഹിതനാണവന്‍
മേദിനിയില്‍ വേദനകള്‍ ഏതിനമൊക്കെയെന്നറിഞ്ഞോന്‍
2 നിത്യതയോളവും സത്യകൂട്ടാളിയായ്
ക്രിസ്തനല്ലാതെയില്ലാരുമീ ഭൂമിയില്‍
മൃത്യുവിനാല്‍ മാറുമത്രേ മിത്രമായാലും മര്‍ത്യരെല്ലാം-
3 ഭാരങ്ങളേറുമീ പാരില്‍ നാള്‍തോറുമെന്‍
ഭാരം ചുമന്നിടും കര്‍ത്തനാണേശു താന്‍
ആത്മപ്രിയന്‍ നല്ലിടയ-ന്നാര്‍ദ്രതയെന്നെ പിന്തുടരും-
4 ആകെയിളകിടും ലോകമിതേകിടും
ആകുലവേളകള്‍ ഭീകരമാകുമോ?
ഹല്ലേലുയ്യാ! ഹല്ലേലുയ്യാ! പാടുമെന്‍ ജീവകാലമെല്ലാം
Download pdf