619. അരിയാബാബിലോന്‍ നിദക്കരികേ
അരിയാബാബിലോന്‍ നിദക്കരികേ ചെന്നിരുന്നെങ്ങള്‍
തിരുസീയോന്‍പുരമോര്‍ത്തോരളവേറ്റം
1 കരതാരില്‍ ചെറുവീണ കരുതിയെങ്കിലും പാടാന്‍
അരുതാതങ്ങലരിമേലവ തൂക്കിയുടന്‍ ഞങ്ങള്‍
2 ഉരുമോദമെഴും സീയോന്‍ തിരുഗാനങ്ങളിലൊന്നു
പരിചില്‍ പാടുവാന്‍ പ്രേരിച്ചുടമക്കാര്‍ ചിലരന്നു-
3 പരമദേവനിന്‍ ഗീതം പരദേശമതിലൊരു
വിധവും പാടുവാന്‍ മേലാഞ്ഞടിയാര്‍ മൗനികളായി-
4 പുരികള്‍ക്കൊക്കെയുമേറ്റം തലയാം ശ്രീയെരുശലേം
പുരമേ! നിന്നെ മറക്കാനരുതേയിങ്ങൊരുനാളും-
5 പരമാനന്ദപുരമേ! തവ നാമം മറക്കുന്നോ-
രളവിലെന്‍ വലങ്കരമതിനെ ഞാന്‍ മറക്കട്ടെ-
6 അമിതാനന്ദദയായ് ഞാന്‍ ഭവതിയെ ഗണിക്കാഞ്ഞാല്‍
മമ നാവെന്നുടെ താലു ഫലകേ സംഘടിക്കട്ടെ-
7 അടിയോളം ഭവതിയെ പൊടിയാക്കാന്‍ ശ്രമിച്ചേദോം
കുടിലര്‍ നിന്‍ ജയശ്രീ കണ്ടതിലജ്ജ കലരട്ടെ-
8 അതിനാശമണഞ്ഞുള്ള ഹതബാബേല്‍സുതേ! നിന്‍റെ
കൃതിപോല്‍ നല്‍പ്രതികാരം തവ ചെയ്വോന്‍പരം ധന്യന്‍
9 കുലടേ! ദുര്‍ഭഗേ! നിന്‍റെ ചെറിയ മക്കളെ തൂക്കി
ശിലമേലാഞ്ഞടിപ്പോനാരവനെന്നും മഹാധന്യന്‍- K.V.S
Download pdf