727. മറവിടമായെനിക്കേശുവുണ്ട്
മറവിടമായെനിക്കേശുവുണ്ട് മറച്ചിടുമവനെന്നെ ചിറകടിയില്‍
മറന്നിടാതിവിടെന്നെ കരുതിടുവാന്‍ മാറാതെയവനെന്‍റെ അരികിലുണ്ട്
1 അനുദിനവും അനുഗമിപ്പാന്‍ അവന്‍ നല്ല മാതൃകയാകുന്നെനിക്ക്
ആനന്ദജീവിത വഴിയിലിന്ന് അനുഗ്രഹമായെന്നെ നടത്തിടുന്നു-
2 പലവിധമാം എതിരുകളെന്‍ പാതയിലടിക്കടി ഉയര്‍ന്നിടുമ്പോള്‍
പാലിക്കും പരിചോടെ പരമനെന്നെ പതറാതെ നില്‍ക്കുവാന്‍ ബലം തരുന്നു
3 വിളിച്ച ദൈവം വിശ്വസ്തനല്ലോ വഴിയില്‍ വലഞ്ഞു ഞാനലയാനിട
വരികയില്ലവനെന്നെ പിരികയില്ല വലതുകൈ പിടിച്ചെന്നെ നടത്തിടുന്നു
4 ഇതാ വേഗം ഞാന്‍ വാനവിരിവില്‍ ഇനിയും വരുമെന്നരുളിച്ചെയ്ത
ഈ നല്ല നാഥനെ കാണുവാനായ് ഇരവും പകലുമെണ്ണി വസിച്ചിടുന്നു- C.J
Download pdf