Lyrics : M.E.C.മഹാത്ഭുതമേ കാല്വറിയില് കാണുന്ന സ്നേഹം
മഹോന്നതന് വഹിച്ചിടുന്നു ലോകത്തിന് പാപം
സര്വ്വ ലോകത്തിന് ശാപം !
1 ആദിയുഗങ്ങള് തുടസ്സമായതിന് മുന്പേ
ആദിപരാ! പാപികളെയോര്ത്ത നിന്നന്പേ
ആശ്രയമതാണെനിക്കുള്ളാശയിന്കൂമ്പേ!
ദിവ്യ കാരുണ്യക്കാമ്പേ!-
2 വേദനപ്പെടും മനുജനായവതാരം
മേദുര മനോഹരന് നീ ചെയ്തതിന്സാരം
ആരറിയുന്നതിശയമേ നിന്നുപകാരം!
തവ സ്നേഹമപാരം!-
3 തിരുസഭയെ തന്നിണത്താല് വാങ്ങുകയെന്നോ!
തിരുഹിതത്തിന് നിര്ണ്ണയങ്ങളീവിധമെന്നോ!
തിരുഹൃദയമേഴകള്ക്കായ് തകരുകയെന്നോ!
ദൈവം കൈവിടുകെന്നോ!-
4 സ്വര്ഗ്ഗസുഖമണുവളവുമനുഭവമാക്കാന്
യോഗ്യതയില്ലഗതിയെനിക്കല്പ്പവുമോര്ക്കില്
ഭാഗ്യവശാല് പാപിയാം ഞാന് രക്ഷിതനായി
പാപ ശിക്ഷകള് പോയി-
![](images/PDF.gif)
Download pdf