137. മഹത്ത്വത്തില്‍ വസിക്കും ദേവാ
1 മഹത്ത്വത്തില്‍ വസിക്കും ദേവാ-മഹത്ത്വം നിനക്കു-പരനേ
സ്തുതി നിനക്കുചിതം തന്നെ-സ്തുതി ഞങ്ങള്‍ കരേറ്റിടുന്നേ
2 ലോകങ്ങളെ സൃഷ്ടിച്ചവനെ-
ലോകത്തെ നീ സ്നേഹിച്ചതിനാല്‍
പുത്രനെയയച്ച നിന്‍സ്നേഹം എത്രയോ അത്ഭുതം താതനേ
3 മര്‍ത്ത്യരെ രക്ഷിപ്പാന്‍ വന്നോനാം നിത്യവചനമാം-കര്‍ത്താവേ
സ്തുതിസ്തോത്രം നിനക്കു ഞങ്ങള്‍ അതിമോദാലര്‍പ്പിക്കുന്നേ
4 പുതുജീവന്‍ നല്‍കി ഞങ്ങളെ പുതുസൃഷ്ടിയാക്കും-ആത്മാവേ
വന്ദിച്ചിടുന്നു ഞങ്ങള്‍ നിന്നെ
നന്ദിയാല്‍ നന്നായ് വാഴ്ത്തിടുന്നേ
5 വന്ദിതനേ, ത്രീയേകദേവാ! ഉന്നതനാം സ്വര്‍ഗ്ഗതാതനേ!
എന്നും ഞങ്ങള്‍ നിന്നെ വന്ദിക്കും
നന്ദിയോടെ ആരാധിച്ചിടും
Download pdf