479. മരുഭൂമിയിന്‍ നടുവേ നടന്നിടും
രീതി: അതിരാവിലെ തിരു
1 മരുഭൂമിയിന്‍ നടുവേ നടന്നിടും ദാസനെ വിരവില്‍
തിരുസാന്നിദ്ധ്യം നിറയും മേഘമതിന്‍കീഴില്‍ നീ മറയ്ക്ക
2 കടുത്തോരുഷ്ണം വരുത്തും രശ്മി പരത്തീട്ടെന്‍മേലുലകം
വനത്തില്‍ ചൂരച്ചെടിയെന്നപോലുണക്കാന്‍ യത്നിച്ചിടുന്നു
3 അതിശീതളതരമായുള്ള ലിബനാദ്രിയിന്‍ ഹിമമേ!
ഹൃദി വന്നേറ്റം തണുപ്പിക്കുവാന്‍ കൃപയുണ്ടായിടണമേ-
4 പരനേ തവ മുഖമിങ്ങനുചരിക്കുന്നില്ലെന്നിരിക്കില്‍
ഒരു കാലത്തും പുറപ്പെടുവാനരുളീടരുതയി! നീ-
5 പ്രിയനേ തവ പരമാമൃതമനിശം സ്വര്‍ഗ്ഗമതില്‍ നി-
ന്നുയരും മോദകരമായെന്‍റെ ഹൃദയം തന്നില്‍ ചൊരിക-
6 തവ തേജസ്സിന്‍ ധനമോര്‍ത്തുലകിതിലന്യനായ് വസിപ്പാന്‍
പരനേ ഈ ഞാന്‍ പരദേശിയെന്നുറച്ചെപ്പോഴുമിരിപ്പാന്‍
7 തെളിവാര്‍ന്നുള്ള മുഖം തന്നില്‍ നിന്നൊളി പ്രാപിച്ചിട്ടതിനാല്‍
തെളിവിന്‍ ദേശമതിലെന്നും ഞാന്‍ നിലനില്‍ക്കുവാനരുള്‍ക!
Download pdf