1020. മര്‍ത്ത്യരിന്നാവശ്യമെന്തന്നറിഞ്ഞവന്‍
രീതി : വാഞ്ഛിതമരുളിടും
1 മര്‍ത്ത്യരിന്നാവശ്യമെന്തന്നറിഞ്ഞവന്‍
മര്‍ത്ത്യര്‍ക്കായ് ഭൂവിതില്‍ ജാതനായി
പാപമാം കുഷ്ഠം ബാധിച്ചവരായതും
പാപികള്‍ക്കാശ്വാസം നല്‍കിയവന്‍
2 ഉന്നതത്തില്‍ ദൂതസംഘത്തിന്‍ മധ്യത്തി
ലത്യുന്നതനായി വസിച്ചിരുന്നോന്‍
സര്‍വ്വവും ത്യജിച്ചിട്ടീ ഭൂതലേ വന്ന തന്‍
സ്നേഹമതെത്രയഗാധമഹോ!
3 വ്യാകുലഭാരത്താല്‍ പാരം വലഞ്ഞോരാം
ആകുലര്‍ക്കാശ്വാസമേകിടുന്നോന്‍
ദുഷ്ടരെ ശിഷ്ടരായ്ത്തീര്‍ത്തിടുവാനായി
ഇഷ്ടമോടെ തന്‍റെ ജീവനേകി
4 പാരിതില്‍ പലവിധപാടുകള്‍ സഹിച്ചവന്‍
പാപിയാമെന്നെത്തന്‍ പുത്രനാക്കി
നിസ്തുലം നിസ്തുലം കാല്‍വറി സ്നേഹമോര്‍-
ത്തെന്നാത്മ നാഥനെ വാഴ്ത്തിടും ഞാന്‍-
5 എന്നെ ചേര്‍ത്തിടുവാന്‍ വീണ്ടും വരാമെന്നു
ചൊന്നൊരു നാഥനിങ്ങെത്തിടാറായ്
ആയതിന്‍ ലക്ഷ്യങ്ങളങ്ങിങ്ങായ് കാണുമ്പോള്‍
ആമോദത്താലുള്ളം തിങ്ങിടുന്നു-
Download pdf