626. മനുവേല്‍ മനോഹരനേ! നിന്മു
രീതി: കുരിശുചുമന്നവനേ
മനുവേല്‍ മനോഹരനേ! നിന്മുഖമതിരമണീയം
തിരുമുഖശോഭയില്‍ ഞാനനുദിന മാനന്ദിച്ചിടും
1 പ്രതികൂലമേറുമീ ഭൂമിയിതിലെ ഖേദം പോമകലെ
നിന്‍മുഖകാന്തി-യെന്മേല്‍ നീ ചിന്തും നിമിഷങ്ങള്‍ നാഥാ-
ലജ്ജിക്കയില്ല നിന്മുഖം നോക്കി ഭൂവില്‍ വാസം ചെയ്വോര്‍-
2 ദുഷ്ടര്‍ തന്‍തുപ്പല്‍ കൊണ്ടേറ്റം മലിനം ആകാന്‍ വദനം
വിട്ടുകൊടുത്ത-തിഷ്ടമായെന്നില്‍ അതുമൂലമല്ലേ!
അമ്മുഖം തന്നെ മിന്നിയിന്നെന്നെയെന്നും പോറ്റും നന്നേ-
3 ലോകത്തിന്‍ മോടികള്‍ ആകര്‍ഷകമായ് തീരാതെന്നകമേ
സുന്ദരന്‍ നീ നിന്‍മന്ദിരമാക്കി അനിശവും വാഴ്ക-
കീര്‍ത്തിക്കും നിന്‍റെ നിസ്തുല്യനാമം സ്തോത്രം സ്തോത്രം പാടി
Download pdf