1040. മനുവേലേ, മന്നിതിലെ
മനുവേലേ, മന്നിതിലെ മാലകലെ മാറുകില്ലേ
മന്നവരില്‍ മന്നവനായ് മന്നിടം നീ വാഴുകില്ലേ
നിന്നുദയ പൊന്‍പുലരി എന്നിനിയും കാണുമീ ഞാന്‍
അന്നുതീരും ഖിന്നതകള്‍
1 പാപമെഴും പാരിടത്തെ പാവനമാം പാര്‍പ്പിടമായ്
ഭാസുരമായ് മാറ്റി ഭവാന്‍ ഭാഗധേയ ഭാവിതരും
പാടവമായ് പാടുമന്നാള്‍-
2 നിന്‍ജനത്തിന്നിംഗിതങ്ങള്‍ക്കിന്നിഹത്തില്‍ സ്ഥാനമില്ല
നിന്‍ഹിതത്തില്‍ തന്നെയെത്തിയീ ധരിത്രി കാണുമെല്ലാം
ആയതിനായ് കാത്തിടുന്നേന്‍-
3 നല്ലതല്ലാതൊന്നുമില്ല വല്ലഭന്‍ നിന്‍ വാഴ്ച തന്നില്‍
ഹല്ലേലുയ്യ, ഹല്ലേലുയ്യാ, ഹല്ലേലുയ്യ ചൊല്ലുമന്നാള്‍
ചൊല്ലുമന്നാള്‍ ഹല്ലേലുയ്യാ-
Download pdf