1225. മനമേ പക്ഷിഗണങ്ങളുണര്‍
രീതി: അതിരാവിലെ തിരു
1 മനമേ പക്ഷിഗണങ്ങളുണര്‍ന്നിതാ പാടുന്നു ഗീതങ്ങള്‍
മനമേ നീയുമുണര്‍ന്നിട്ടേശു പരനെ പാടി സ്തുതിക്ക
2 മനമേ നിന്നെ പരമോന്നതന്‍ പരിപാലിക്കുന്നതിനെ
നിനച്ചാല്‍ നിനക്കുഷസ്സില്‍ കിടന്നുറങ്ങാന്‍ കഴിഞ്ഞിടുമോ?
3 മൃഗജാലങ്ങളുണര്‍ന്നിടുന്ന സമയത്തു നീ കിടന്നു
മൃഗത്തെക്കാളും നിര്‍വിചാരിയായുറങ്ങാതെന്‍റെ മനമേ-
4 മരത്തിന്‍ കൊമ്പിലിരിക്കും പക്ഷിയുരയ്ക്കും ശബ്ദമതുകേ-
ട്ടുറക്കം തെളിഞ്ഞുടനെ നിന്‍റെ പരനെ പാടി സ്തുതിക്ക-
5 പരനേശു താനതിരാവിലെ തനിയെയൊരു വനത്തില്‍
പരിചോടുണര്‍ന്നെഴുന്നു പ്രാര്‍ത്ഥിച്ചതു നീ ചിന്തിച്ചിടുക-
6 ഒരുവാസരമുഷസ്സായപ്പോള്‍ പീലാത്തോസിന്‍റെ അരികേ
പരനേശുവൊരജംപോല്‍ നിന്ന നില നീ ചിന്തിച്ചിടുക-
7 പരനെ തള്ളപ്പറഞ്ഞ പത്രോസതിരാവിലെ സമയേ
പെരുത്ത ദുഃഖം നിറഞ്ഞു പുറത്തിറങ്ങിപ്പൊട്ടിക്കരഞ്ഞു-
8 മറിയമതിരാവിലേശുവെ കാണാഞ്ഞിട്ടുള്ളം തകര്‍ന്നു
കരയുന്നതെന്തതുല്യസ്നേഹം മനമേ നിനക്കതുണ്ടോ?-
Download pdf