957. മണവാളനേശു വരുന്നിതല്ലോ
1 മണവാളനേശു വരുന്നിതല്ലോ
മണവാട്ടി വേഗം ഉണര്‍ന്നിടട്ടെ
2 ലോകമെങ്ങും ലക്ഷ്യം കണ്ടുതുടങ്ങി
വേഗം വരും യേശു ലോകരക്ഷകന്‍
3 അത്തിവൃക്ഷം പൂത്തു തളിര്‍ത്തു കാണ്മിന്‍
വീണ്ടെടുപ്പിന്‍ കാലമടുത്തിതല്ലോ
4 യുദ്ധവും പകര്‍ച്ച വ്യാധികളെല്ലാം
ക്രിസ്തു വരവിന്‍റെ സത്യലക്ഷ്യങ്ങള്‍
5 കള്ളനെന്നപോല്‍ ഞാന്‍ വേഗം വരുന്നു
വെള്ളവസ്ത്രമെല്ലാം കാത്തുകൊള്ളട്ടെ
6 കന്യകമാര്‍ പത്തുമുറങ്ങിടുന്നു
പാതിരാത്രി തന്നില്‍ പ്രിയന്‍ വരുമേ
7 ദാസരെല്ലാം നിത്യം ജാഗരിക്കട്ടെ
യേശു വരും സെക്കണ്ടറിഞ്ഞുകൂടാ-
8 വരികയെന്നാവിയോതുന്നതുപോല്‍
മണവാട്ടി കൂടെ പറഞ്ഞിടട്ടെ
9 ഗോപുരത്തില്‍ കൂടിയകത്തുപോവാന്‍
വസ്ത്രമലക്കുന്നോര്‍ ഭാഗ്യമുള്ളവര്‍
10 പെരുമീനുദിച്ചു വാനവിരിവില്‍
ഉഷ:കാലം വന്നിങ്ങടുത്തുവല്ലോ
11 വേഗം വരുന്നെന്നു മൊഴിഞ്ഞ പരാ!
വരിക മേഘത്തില്‍ ഞങ്ങളെ ചേര്‍പ്പാന്‍- K.V.S.
Download pdf