Lyrics : K.V.S.ഉത്തമഗീതം 2:10-14, രീതി: മേലിലുള്ളെരൂശലേമേ
1 മഞ്ഞുകാലം കഴിഞ്ഞിപ്പോള് മാഞ്ഞു മഴയിന് പ്രഭാവം
കുഞ്ജരഗാമിനീ ദിവ്യസുന്ദരീ!-നിന്റെ
മഞ്ജുവാമുടലഞ്ജനത്തിനു തുല്യമായിരുളാതിരിപ്പതി-
നെന് ജനം വാഴ്ത്തിടും പ്രേമവന്ദരീ-എഴു-
ന്നെന്നോടുകൂടെ വാ ധര്മ്മ മഞ്ജരി
2 പുഷ്പപൂര്ണ്ണമായ് വിളങ്ങും തല്പമെന്നപോലെ ഭൂമി-
യിപ്പഴേ കാണുന്നു സ്വര്ഗ്ഗഭാമിനീ-പോക്കില്
കല്പശാഖിയിലുത്ഭവിച്ചു വിടര്ന്ന ദിവ്യസുമങ്ങളാം പരി-
ശുദ്ധരെ കണ്ടിടാം ദൈവകാമിനീ-നിന്നാ-
ലെപ്പോഴെത്തും വസതിയില് നാമിനി
3 പക്ഷികളിന് ഗാനമന്തരീക്ഷമെങ്ങും മുഴങ്ങുന്നു
ശിക്ഷയായി കുറുപ്രാവിന് ശബ്ദവും-ലോക-
രക്ഷണത്തിനു ശക്തമെന്ന വിധത്തിലാദരവാര്ന്നു വന്നിഹ
കക്ഷിമത്സരം വെടിഞ്ഞു സര്വ്വരും-നാട്ടില്
പക്ഷമായ് കേള്ക്കുന്നു മോദം നിത്യവും-
4 അത്തിമരത്തിന്റെ കായ്കള് വ്യക്തമായ് പഴുത്തിടുന്നു
ഗോസ്തനീ വല്ലികള് പൂത്തുവീശുന്നു-ഗന്ധം
സ്വസ്ഥരെങ്കിലുമീപ്രപഞ്ചരസം ശ്വസിച്ചുണര്വറ്റുപോയൊരു
ശിഷ്ടരിന് നാസികാഗ്രത്തിലേശുന്നു-അവര്
ലബ്ധജീവരായ് സുവാര്ത്ത പേശുന്നു
5 രംഭിതേ! സുന്ദരീ! സാക്ഷാല് സംഭരിതാനന്ദപൂര്ണ്ണ-
കുംഭമേ!യെഴുന്നു വരികിന്നയേ! സാത്താന് സംഭ്രമിച്ചുടനോടിടും പടി
വന്പടയ്ക്കനുരൂപ ധാടിയിലുമ്പരാല് വന്ദിതേ!
നീക്കു നിന്ദയെ-ലോകം നിന് പദത്തില് കുമ്പിടുമാറെന് പ്രിയേ!-
6 പാറയിന് വിടവിലും വന് കേണിയിന് മറവിലും ഹാ!
വാണിരിക്കും പ്രാവുപോലുള്ളെന് പ്രിയേ!-ധൈര്യം
മാറിടാതിഹ മനുജരവരുടെ മുമ്പിലും തിറമായി നില്പൊരു
മാനമേറും മുഖം കാണിച്ചെന് ഗൃഹേ-നിന്നെ
കാണുമാറാകണം മഹിമാന്വിതേ!
7 നിന്മുഖത്തെ കണ്ടുകൊണ്ടും നിന്സ്വരം ഞാന് കേട്ടുകൊണ്ടും
നിന്റെ പേര്ക്കനുഭവിച്ച പാടുകള്-എന്റെ
പൊന്നുജനകനു പുതിയ സുധയതുപോല് പ്രിയം കലരുവാറഹ-
മെന്സുതര്ക്കായ് സഹിച്ചുള്ള നോവുകള്-മറ-
ന്നിനിയും കഴിച്ചിടുമെന് നാളുകള്-
![](images/PDF.gif)
Download pdf