Lyrics : K.V.Sബാബേലടിമയിന് കഷ്ടതകള്
നിനച്ചീടുകിലായതിനറ്റമില്ലാ
ശോഭതിങ്ങീടുന്ന ദൈവനജനങ്ങളാ
ദേശത്തടിമകളായിരുന്നു-
1 പാട്ടുകള് പോയവര് വീണകള് വായിപ്പാനൊട്ടും കഴിയാതിരുന്നു പോയി
ചിന്താവിവശരായ് സീയോനെയോര്ത്തവ-
രന്തമെന്യേ കണ്ണീര് വാര്ത്തിരുന്നു-
2 ദൈവാലയത്തിലെ ഭംഗിയും ഭക്തിയുമുള്ളോരു സേവകള് നഷ്ടമായി
യാഗവും യാഗമൃഗങ്ങളുമില്ലിനി ദേവാലയം ചുട്ടുചാമ്പലായി-
3 ഭാഷ മറിഞ്ഞുപോയ് വേദം ഗ്രഹിക്കുവാന്
ശേഷിയില്ലാതെയായ് തീര്ന്നിതല്ലോ
ബാബേല് കുഴപ്പത്തില് നാവും നയനവും
തീരെപ്പിശകീടും നിശ്ചയമേ-
4 മുന്തിരിങ്ങാപ്പഴ മത്തിപ്പഴങ്ങളും തിന്മാന് കിടച്ചില്ലടിമനാട്ടില്
സ്വന്ത ദേശത്തിലെ സ്വാദുള്ള ഭോജനം ചിന്തയില്പോലും രുചിച്ചതില്ല-
5 സ്വാമികളായ് നിജനാട്ടില് വസിച്ചവര് ദാസരായൂഴിയം ചെയ്തിടുന്നു
ആജ്ഞകൊടുത്തവരാജ്ഞകള് പാലിപ്പാന്
കാത്തു നിന്നിടണമെന്നു വന്നു-
6 സന്തോഷം കൊണ്ടിരു കണ്കള് വികസിച്ച
സുന്ദരരൂപികളന്യ നാട്ടില് കണ്ണീരൊലിപ്പിച്ചു കണ്കള് കുഴിഞ്ഞങ്ങു-
7 യാവിന്നടിയിണ സേവിച്ചിരുന്നൊരു ദൈവജനങ്ങിലായിരങ്ങള്
ബേല്വിഗ്രഹത്തിനു മുമ്പില് വണങ്ങുന്ന
കാഴ്ചയോ ചങ്കു തകര്ത്തിടുന്നു-
8 വെള്ളപ്പളുങ്കുപോല് സ്വച്ഛതയാണ്ടൊരു ദൈവപ്രമാണം മറന്നിവിടെ
കള്ളപ്പുരോഹിത തന്ത്രം ശ്രവിക്കുന്ന
തുള്ളമശേഷം പൊരിച്ചിടുന്നു-
9 ജ്ഞാനാര്ത്ഥകമായോരാരാധന ക്രമം
തീരെ മറുകൃതിയാക്കിയഹോ! വസ്തുമയമായോരാരാധനക്രമം
തീര്ത്തു നടത്തുന്നടിമനാട്ടില്-
![](images/PDF.gif)
Download pdf