991. പ്രിയനേ! എന്‍ മണാളാ! കാണുവാനാ
പ്രിയനേ! എന്‍ മണാളാ! കാണുവാനാശയേറിടുന്നേ
അല്ലലെല്ലാം മാറിടുമേ നിന്‍സവിധേ ഞാനണഞ്ഞിടുമ്പോള്‍
തോര്‍ന്നിടും കണ്ണുനീരെല്ലാം തീര്‍ന്നിടും സര്‍വ്വദു:ഖവും
1 ഭാരത്താല്‍ എന്നുള്ളം തകര്‍ന്നിടിലും
രോഗത്താല്‍ ക്ഷീണിതനായിടിലും അവനില്‍ ഞാന്‍ ചാരിടുമേ-
2 കൂടാരമാം ഭൗമ ഭവനമതോ
അഴിഞ്ഞിടിലും നിത്യഭവനമൊന്ന് നാഥനൊരുക്കിടുന്നല്ലോ-
3 വേണ്ടെനിക്കീ ലോകയിമ്പങ്ങളോ
ലോകം നല്‍കും ബഹുമാനങ്ങളോ അവയെല്ലാം മായയല്ലോ-
4 സ്വര്‍ഗ്ഗ സീയോനിന്‍ വാസമതോ
ഓര്‍ക്കുമ്പോഴെന്നുള്ളം നിറഞ്ഞിടുന്നേ ഹാ! എന്തൊരാനന്ദമേ!-
Download pdf