193. പ്രാര്‍ത്ഥനയ്ക്കുത്തരം തന്നതിനാല്‍
പ്രാര്‍ത്ഥനയ്ക്കുത്തരം തന്നതിനാല്‍
നന്ദി ഞാന്‍ ചൊല്ലിടുന്നു - നാഥാ
നന്ദി ഞാന്‍ ചൊല്ലിടുന്നു
1 ഉലകം ചമയ്ക്കുന്നതിനും മുന്നെ
ഉള്ളം കൈയില്‍ എന്നെ വരച്ചതിനാല്‍
എന്നാത്മനാഥാ എന്‍ ജീവകാലം
നന്ദി ഞാന്‍ ചൊല്ലിടുന്നു - നാഥാ
2 കണ്ണീരില്‍ നിന്നെന്‍റെ കണ്‍കളേയും
വീഴ്ചയില്‍ നിന്നെന്‍റെ കാല്‍കളേയും
കാത്തൊരു നാഥാ, കാരുണ്യ നാഥാ
നന്ദി ഞാന്‍ ചൊല്ലിടുന്നു - നാഥാ
3 അന്യനാമെന്നെ നിന്‍ സൂനുവാക്കി
നിന്ദ്യനാമെന്നെ നീ ധന്യനാക്കി
എന്‍ ജീവനാഥാ വിണ്‍ലോകനാഥാ
നന്ദി ഞാന്‍ ചൊല്ലിടുന്നു - നാഥാ
4 രോഗങ്ങള്‍ മാറ്റി നല്‍ സൗഖ്യമേകി
രോദനം മാറ്റി സംഗീതമേകി
രാജാധിരാജാ കര്‍ത്താധികര്‍ത്താ
നന്ദി ഞാന്‍ ചൊല്ലിടുന്നു - നാഥാ
Download pdf