827. പ്രാണേശാ! യേശുനാഥാ! നീയെനിക്കു
പ്രാണേശാ! യേശുനാഥാ! നീയെനിക്കു മതിയെന്നേക്കും
1 തവമുഖത്തിന്‍ സൗന്ദര്യമെന്‍ കണ്ണുകള്‍ കണ്ടിടുംതോറും
ഭുവനമതിലാഗ്രഹിപ്പാനൊന്നുമില്ലെന്നറിയുന്നു ഞാന്‍-
2 അന്‍പുതിങ്ങും നിന്‍ സ്വരമെന്‍ കര്‍ണ്ണങ്ങളില്‍ പതിയുന്തോറും
ഇമ്പമതില്‍ വളരുന്നെനിക്കിമ്പമല്ല അന്യശബ്ദം-
3 വന്‍കൃപകള്‍ മൂലമെന്‍റെ സങ്കടങ്ങള്‍ തീര്‍ത്തിടുന്ന
നിങ്കലല്ലാതാശ ഭുവിയിങ്കലില്ലയീയെനിക്കു-
4 ശക്തിയേറിടുന്ന നിന്‍ സാന്നിദ്ധ്യമതിലുള്ള വാസം
തൃപ്തിയുമാനന്ദവുമെന്‍ ഹൃത്തിനേകിടുന്നു പാരം-
5 നിന്നിലുള്ള പ്രേമമെന്നില്‍ നിന്നകറ്റിടുന്നതിന്നി-
ന്നൊന്നിനും കഴിഞ്ഞുവെന്നു വന്നിടുന്നതല്ല നൂനം-
Download pdf