565. അന്‍പിന്‍ ദൈവമെന്നെ നടത്തുന്ന
അന്‍പിന്‍ ദൈവമെന്നെ നടത്തുന്ന വഴികള്‍ അത്ഭുതമേ
അവന്‍ കൃപകളെന്നില്‍ ചൊരിയുന്നതോ-അനല്‍പ്പമേ
1 അഖില ചരാചര രചയിതാവാം അഖിലജഗത്തിനുമുടയവന്‍ താന്‍
അവനെന്‍റെ താതനായ് തീര്‍ന്നതിനാല്‍
അവനില്‍ ഞാനെത്രയോ സമ്പന്നനാം-
2 അറിയുന്നവനെന്‍റെ ആവശ്യങ്ങള്‍ അടിയനറിയുന്നതിലുപരി
ആവശ്യനേരത്ത് അവന്‍ തുണയായ്
അതിശയമായെന്നെ പുലര്‍ത്തിടുന്നു-
3 അണഞ്ഞിടും ഒടുവില്‍ ഞാനവന്നരികില്‍
അകതാരിലാകെ എന്നാശയത് അവിടെയാണെന്നുടെ സ്വന്തഗൃഹം
അനവരതം അതില്‍ അധിവസിക്കും-
Download pdf