953. അന്‍പാര്‍ന്നൊരനെന്‍ പരനുലകില്‍
അന്‍പാര്‍ന്നൊരനെന്‍ പരനുലകില്‍ തുമ്പങ്ങള്‍ തീര്‍ക്കുവാന്‍ വരുമേ
എന്‍പാടുകളകന്നിടുമേ ഞാന്‍ പാടി കീര്‍ത്തനം ചെയ്യുമേ
1 നീതിയിന്‍ സൂര്യനാം മനുവേല്‍ ശ്രീയേശു ഭൂമിയില്‍ വരുമേ
ഭീതിയാം കൂരിരുളകലും നീതി പ്രഭയെങ്ങും നിറയും-
2 മുഴങ്ങും കാഹളധ്വനിയി-ലുയിര്‍ക്കുമേ ഭക്തരഖിലം
നാമുമൊരു നൊടിയിടയില്‍ ചേരും പ്രാണപ്രിയന്നരികില്‍-
3 തന്‍കൈകള്‍ കണ്ണുനീര്‍ തുടയ്ക്കും സന്താപങ്ങള്‍ പരിഹരിക്കും
ലോകത്തെ നീതിയില്‍ ഭരിക്കും ശോകപ്പെരുമയും നശിക്കും-
4 നാടില്ല നമുക്കീയുലകില്‍ വീടില്ല നമുക്കീ മരുവില്‍
സ്വര്‍ലോകത്തിന്‍ തങ്കത്തെരുവില്‍ നാം കാണും വീടൊന്നു വിരവില്‍-
5 കുഞ്ഞാട്ടിന്‍ കാന്തയാം സഭയേ! നന്നായുയര്‍ത്തു നിന്‍ തലയെ
ശാലേമിന്‍ രാജനാം പരനേ! സ്വാഗതം ചെയ്ക നിന്‍ പതിയെ-
6 പാടുവിന്‍ ഹാ! ജയഗീതം പാടുവിന്‍ സ്തോത്ര സംഗീതം-
പാടുവിന്‍ യേശുരക്ഷകന്നു ഹല്ലേലുയ്യാ! ഹല്ലേലുയ്യാ
Download pdf