1112. പോകുക വേഗം നാം പോകുക
രീതി: ഭക്തരിന്‍ വിശ്വാസ ജീവിതം
1 പോകുക വേഗം നാം പോകുക സോദരാ
പോകുക കര്‍ത്തനായ് പോര്‍ ചെയ്യുവാന്‍
ചേരുക വേഗം നാം പോയിടാം നാഥനായ്
പോര്‍ക്കള ധീരരായ് പോര്‍ പൊരുതീടുവാന്‍
2 നോക്കുക ദൂരെ നാം കാണുന്നില്ലെ
മുത്തുവിളഞ്ഞു കിടക്കും വയല്‍
കൊയ്ത്തിനായ് പോകുക ഒട്ടും മടിക്കാതെ
ആര്‍പ്പോടെ കറ്റ ചുമന്നുകൊണ്ടുവരാന്‍-
3 നാഥന്‍ വചനത്തെ വാളായിട്ടും
വേദത്തിന്‍ സത്യം പരിചയുമായ്
വിശ്വാസമെന്ന ശിരസ്ത്രം ധരിച്ചു നാം
രക്ഷയ്ക്കായ് നീതികവചം ധരിച്ചും നാം-
4 വീടുകള്‍ മേടുകള്‍ കാടുകളും
വേലിയ്ക്കരികിലും പോയിടുകാ
തേടുക നാഥനായ് ആത്മാക്കളെ വേഗം
നാളെ നമുക്കുള്ളതല്ലയെന്നോര്‍ക്കണം-
5 നാഥന്‍റെ വേലകള്‍ ചെയ്തുകൊണ്ട്
കാന്തന്‍ വരവിനായ് കാത്തിരിക്കാം
കാഹളം കേള്‍ക്കുമ്പോള്‍ ശുദ്ധരോടൊത്തു നാം
നാഥന്‍റെ സന്നിധൗ ചേര്‍ന്നിടും നിശ്ചയം
Download pdf