1217. പൊന്നൊളി വീശുമീ പൊന്നു
രീതി: നിന്നെക്കാള്‍ സ്നേഹിപ്പാന്‍
1 പൊന്നൊളി വീശുമീ പൊന്നുഷസ്സിലുണര്‍-
ന്നുന്നത ദൈവമേ വാഴ്ത്തുന്നേ മന്നിതില്‍ കൂരിരുള്‍
നീങ്ങി പ്രഭാതത്തെ കാണ്മാന്‍ തുണച്ചോനേ വാഴ്ത്തുന്നേ-
2 നിന്‍തിരുപാതയിലിന്നു നടന്നിടാന്‍ നീ കൃപചെയ്ക എന്‍ ദൈവമേ
അന്നന്നുവേണ്ടുന്നതെല്ലാം നീ തന്നെന്നെ എന്നും പുലര്‍ത്തണേ ദൈവമേ
3 എന്നുടെ ക്രിയകള്‍ നിന്‍നാമ മേന്മയ്ക്കായ് എന്നാളും തീരുമാറാകണമേ
മന്നിതിന്‍ മോഹങ്ങളൊന്നിലുമെന്‍ മനം മങ്ങിമയങ്ങാതെ കാക്കണമേ-
4 ഇന്നലെക്കാളും ഞാന്‍ നിന്നോടണഞ്ഞിന്നു നന്നായി ജീവിപ്പാറാകണേ
നീ കൃപ തന്നെന്നെ ആശീര്‍വദിക്കണം ഇന്നന്ത്യത്തോളമെന്‍ ദൈവമേ
Download pdf