916. പൂര്‍ണ്ണഹൃദയസേവ വേണം
പൂര്‍ണ്ണഹൃദയസേവ വേണം ദേവജാതനു പരി-
പൂര്‍ണ്ണനാകുവാന്‍ ഇതു വേണ്ടതാണഹോ!
1 പാതിമനസ്സോടേകിടുന്ന ദേവപൂജയെ
പരന്‍ സ്വീകരിച്ചിടാ പരമാശിസ്സായ് വരാ-
2 കായന്‍സേവ പലവിധത്തില്‍ ന്യൂനമായിരു-
ന്നതുദോഷഹേതുവായ് പെരും ശാപമായത്-
3 പാകമായ മനസ്സിന്‍ തീര്‍ച്ച ദൈവസേവയില്‍
സ്ഥിരജീവനേകുമേ പരനായതേല്‍ക്കുമേ-
4 നമ്മുടേതെന്നിവിടെയോതും സ്വമ്മിലൊക്കെയും
വരധര്‍മ്മമായത് പരന്നേകണം സദാ-
5 ദേഹം, കീര്‍ത്തി, ജ്ഞാനം, ശക്തി, ദ്രവ്യമൊക്കെയും
പരന്നായ് കൊടുക്ക നാം സ്ഥിരരായിരിക്കണം-
6 കൊടുത്തശേഷം തിരിച്ചെടുക്കാന്‍ തുടങ്ങിടൊല്ല നാം
ഫലമൊടുക്കമായ് വരും ദൃഢമൊടുക്കമാമത്-
7 സ്വര്‍ഗ്ഗതാതനെന്നവണ്ണം പൂര്‍ണ്ണരാകുവാന്‍
പരനാജ്ഞ തന്നഹോ! നിറവേറ്റണമത്-
Download pdf