Lyrics : K.V.S.
1 പുത്തന് യെരൂശലേമേ! ദിവ്യ-ഭക്തര് തന്നാലയമേ-തവനിഴലില്
പാര്ത്തിടുവാനടിയന് അനുദിനവും കാംക്ഷിച്ചു പാര്ത്തിടുന്നേ
നിര്മ്മലമാം സുകൃതം തന് പൊന്നൊളിയാര്ന്നമരുമിടം
കാംക്ഷിച്ചു പാര്ത്തിടുന്നേ പുരമിതിനെ കാംക്ഷിച്ചു പാര്ത്തിടുന്നേ
2 നിന്നടിസ്ഥാനങ്ങളോ-പ്രഭ ചിന്തുന്ന രത്നങ്ങളാം-ശബളനിറം
വിണ്ണിന്നു നല്കിടുന്നു-നയനസുഖം കാണ്മവര്ക്കേകിടുന്നു
3 പന്ത്രണ്ടു ഗോപുരങ്ങള്-മുത്തു പന്ത്രണ്ടുകൊണ്ടു തന്നെ-മുദമരുളും
തങ്കമേ വീഥി പാര്ത്താല്-സ്ഫടികസമം തങ്കുവോര്ക്കാനന്ദമേ
4 വേണ്ടാ വിളക്കവിടെ-സൂര്യചന്ദ്രരോ വേണ്ടൊട്ടുമേ -പരമസുതന്
തന്നെയിതിന് വിളക്ക്-പരവെളിയാല് ശോഭിച്ചിടുന്നിപ്പുരം
5 അന്ധതയില്ലാ നാടേ-ദൈവതേജസ്സു തിങ്ങും വീടേ-തവ സവിധേ
വേഗത്തില് വന്നു ചേരാന് മമ ഹൃദയം ആശിച്ചു കാത്തിടുന്നേ
6 സൗഖ്യമാണെന്നും നിന്നില്-ബഹു ദു:ഖമാണല്ലോ മന്നില്-ഒരുപൊഴുതും
മൃത്യുവില്ലങ്ങു വന്നാല്-കരുണയെഴും ക്രിസ്തുവിന് നന്മ തന്നാല്
7 പൊന്നെരൂശലേമമ്മേ!-നിന്നെ സ്നേഹിക്കും മക്കള് തമ്മെ-തിരുമടിയില്
ചേര്ത്തുകൊണ്ടാലും ചെമ്മേ-നിജതനയര്ക്കാലംബമായൊരമ്മേ!-
![](images/PDF.gif)
Download pdf