740. അന്ധകാരത്താലെല്ലാ കണ്ണും
1 അന്ധകാരത്താലെല്ലാ കണ്ണും മങ്ങുമ്പോള്‍
മങ്ങിടാത്ത കണ്ണെനിക്കൊന്നുണ്ടു സ്വര്‍ഗ്ഗത്തില്‍
2 എന്‍മൊഴി കേള്‍പ്പാന്‍ ഭൂവില്‍ കാതില്ലെങ്കിലും
ചെമ്മയായ് തുറന്ന കാതൊന്നുണ്ടു സ്വര്‍ഗ്ഗത്തില്‍
3 മാനുഷികമാം കൈകള്‍ താണുപോകുമ്പോള്‍
ക്ഷീണിക്കാത്ത കൈയെനിക്കൊന്നുണ്ടു സ്വര്‍ഗ്ഗത്തില്‍
4 ഭൂമയര്‍ക്കുള്ള സ്നേഹം നീങ്ങിപ്പോകുമ്പോള്‍
ക്ഷാമമേശിടാത്ത സ്നേഹമുണ്ടു സ്വര്‍ഗ്ഗത്തില്‍-
5 ഉള്ളിലാകുല ചിന്തയുള്ള മര്‍ത്യരേ!
വല്ലഭന്‍റെ കണ്‍കളുണ്ടിക്കല്ലുപാതയില്‍-
6 തന്‍ കരുണയോ പൂര്‍ണ്ണമാണു സാന്ത്വനം
ചെയ്വതിന്നു നാഥനടുത്തുണ്ടു നിര്‍ണ്ണയം-
7 പ്രാര്‍ത്ഥനയ്ക്കവന്‍ മുമ്പില്‍ സ്തോത്രമോടു നാം
എത്തിയെന്നും തന്‍റെ വാക്കിലാശ്രയിക്കുവിന്‍-
8 വിശ്വസിക്കുവാന്‍ യോഗ്യനായ നാഥനെ
വിശ്വസിച്ചുമനുസരിച്ചും നാള്‍ കഴിക്കുവിന്‍-
Download pdf