1122. പാപി വരിക! പരനെയറിക!
പാപി വരിക! പരനെയറിക! തവ
പാപമെല്ലാമൊഴിഞ്ഞേറ്റു പറക, തിരിക!-
1 പാപമേതെന്നറിക ആകെ നിങ്കേന്നെറിക
പാപശിക്ഷ മരണമെന്നറിക, തിരിക-
2 ജീവനത്തേടുക വേഗമായോടിടുക
ജീവന്‍ നല്‍കും കാല്‍വറിയോടണക, തിരിക-
3 ആവലോടിക്ഷണം ക്രൂശോടണഞ്ഞിടുകില്‍
ജീവനവനൗദാര്യമായരുളും സ്ഥിരമായ്-
4 പുത്രനില്‍ വിശ്വസിച്ചിടുന്ന നരര്‍ക്കിന്നു
നിത്യരക്ഷ ലഭിക്കുവാന്‍ തടവില്ലുടനെ-
5 സത്യാത്മാ പറയുന്നു കേള്‍ക്കുവോനും പറയാം
ഇച്ഛിപ്പോര്‍ക്കു ജീവവെള്ളം വെറുതേ വാങ്ങിടാം-
6 ക്രിസ്തുകാന്തയുമിതാ ശക്തിയായ് വിളിക്കുന്നു
സ്വസ്ഥത ലഭിപ്പതിനു വഴിയിതൊന്നു താന്‍-
7 ജീവജലത്തിനുറവയൊഴുകും നിന്നില്‍
ജീവനെങ്ങും വ്യാപിപ്പതാല്‍ മരണം നീങ്ങിടും-
8 അന്ധകാരം നീങ്ങിയെന്തു വെളിച്ചമാകും!
സ്വാന്തമെല്ലാം പ്രഭ തിങ്ങി നിറയും ദൃഢമായ്-
9 മൂഢബോധമൊഴിയും കേടകന്നു തിരിയും
ഗാഢമായ് ജ്ഞാനമുള്ളില്‍ കലരും വളരും-
10 ഇദ്ദിനമിന്നു നീ നഷ്ടമാക്കിടുമെങ്കില്‍
മറ്റൊരു ദിനം നിനക്കു തരമായ് വരുമോ?-
Download pdf