1172. പാപിക്കു മറവിടമേശു രക്ഷകന്‍
പാപിക്കു മറവിടമേശു രക്ഷകന്‍ പാരിതില്‍ വന്നു ജീവന്‍ തന്നവന്‍
പരമോന്നതന്‍ കുരിശോളവും തന്നെത്താഴ്ത്തിയെന്നെയോര്‍ത്തവന്‍
1 ഉലകത്തിന്‍ പാപത്തെ നീക്കുവാന്‍ ഉടലെടുത്തൂഴിയില്‍ വന്നവന്‍
ഉയിര്‍ തന്നവന്‍ മൂന്നാം ദിനം ഉയിര്‍ത്തെഴുന്നു വാനില്‍ ചെന്നവന്‍-
2 എന്നുമുള്ളവന്‍ സര്‍വ്വവല്ലഭന്‍ മണ്ണും വിണ്ണുമെല്ലാമുണ്ടാക്കിയോന്‍
ഉന്നതാധിപന്‍ ഹീന പാപിയാമെന്നെത്തേടിവന്നതത്ഭുതം-
3 വഴി സത്യം ജീവനുമായവന്‍ വഴി പിശകാതെ നടത്തിടും
പൊഴിയും സദാ കൃപ മാരിപോല്‍ തേന്‍ മൊഴികള്‍ തൂകി താങ്ങിടും-
4 പാപഭാരം പേറി വലഞ്ഞിനി ശാപത്തീയില്‍ വീണെരിയാതെ നാം
കൃപയേറിടും ക്രിസ്തുവേശുവിന്‍ കുരിശില്‍ വിശ്രാമം നേടിടാം
Download pdf